Google Chrome: பதிவர்களுக்கான அட்டகாசமான நீட்சி!

பதிவர்களில் பெரும்பாலோனோர் தங்களது இடுகைகளை உருவாக்க கூகிள் ப்ளாக்கரில் உள்ள ப்ளாக் எடிட்டரையே பெரும்பாலும் உபயோகித்து வருகின்றனர். இதில் சில சமயங்களில் படங்களை இணைப்பதிலும், காணொளிகளை இணைப்பதிலும் சிரமங்கள் ஏற்படுகின்றன.

நமது வசதிக்கேற்றவாறு இடுகைகளை உருவாக்க கூகுள் க்ரோம் மற்றும் நெருப்புநரி உலாவிக்கான ScribeFire எனும் நீட்சி மிகவும் பயனுள்ளதாக வடிவமைக்கப்பட்டுள்ளது. தரவிறக்க சுட்டி இறுதியில் தரப்பட்டுள்ளது.

Add to Chrome பொத்தானை சொடுக்கி இந்த நீட்சியை உங்கள் க்ரோம் உலாவியில் பதிந்து கொண்டபிறகு, இது நிறுவப்பட்டதற்கான அறிவிப்பும் ஐகானும் உலாவியில் தோன்றியிருப்பதை கவனிக்கலாம்.

இதனை முதல் முறையாக பயன்படுத்தும் பொழுது, உங்கள் பிளாக்கின் விவரங்களை உள்ளிணைக்க சொல்லும் கீழ்கண்ட அறிவிப்பு வரும்.

இந்த அறிவிப்பை பெட்டியை மூடிவிட்டு, இடது புற பேனில் உள்ள Add a New Blog லின்க்கை க்ளிக் செய்து உங்கள் பிளாக்கின் URL மற்றும் பயனர் பெயர், கடவு சொல் ஆகியவற்றை உள்ளீடு செய்யுங்கள். 

இப்பொழுது இடது புற பேனில் உங்கள் பிளாக்கில் உள்ள சிட்டைகள், மற்றும் தலைப்புக்கள் விவரமாக தொகுக்கப்பட்டிருப்பதை பாருங்கள்.

வலதுபுற பேனில் பல வசதிகளை உள்ளடக்கிய ப்ளாக் எடிட்டர்.

படங்களை இணைப்பது ப்ளாக்கரில் அதிக சமயம் எடுப்பது போலல்லாமல், நொடியில் இணைக்கப்படுகிறது.

இதே போன்று யூ ட்யுப் தளத்திலிருந்து நமக்கு தேவையான காணொளியின்   URL அல்லது Embed Code இணைப்பதும் மிகவும் சுலபமாக இருக்கிறது.

இந்த இடுகை இந்த நீட்சியில்தான் உருவாக்கப்பட்டது.

ScribeFire நீட்சி தரவிறக்க - Google Chrome
ScribeFire நீட்சி தரவிறக்க - Firefox

.

இணையத்தில் நேரத்தை வீணடிப்பதை தவிர்க்க பயனுள்ள நீட்சி!

நம்மில் பெரும்பாலான இணைய பயனாளர்கள், Facebook, Orkut, Youtube போன்ற சில இணைய தளங்களுக்கு அடிமையாகி விடுகிறோம். ஒரு சில சமயங்களில் ஒழுங்காக ஆணி பிடுங்க வேண்டிய நேரங்களையும், பிற அத்தியாவசிய பணி நேரங்களையும், இந்த தளங்களில் உலாவுவதன் மூலமாக வீணடித்து விடுகிறோம். (டிவி சீரியல்கள் போல).  

இதற்கு மேல் ஒரு நாளைக்கு ஒரு மணிநேரம் மட்டும்தான் இந்த தளங்களுக்கு செலவழிக்க வேண்டும் என்றோ அல்லது ஒரு குறிப்பிட்ட நேரத்தை மட்டுமே ஒதுக்க வேண்டும் என்றோ பல சமயங்களில் சபதமெடுத்து, மறுநாளே மறந்து போய் பழையபடி நமது நேரத்தை வீணடித்து கொண்டிருப்பதும் நடந்து கொண்டுதான் இருக்கிறது. 

இந்த பிரச்சனைக்கு Google Chrome உலாவிக்கு ஒரு சிறந்த தீர்வாக அமைவது Chrome Nanny எனும் ஒரு பயனுள்ள நீட்சி! (தரவிறக்க சுட்டி இறுதியில் தரப்பட்டுள்ளது) 

  Install பொத்தானை சொடுக்கி இந்த நீட்சியை உங்கள் க்ரோம் உலாவியில் பதிந்து கொண்டபிறகு, நிறுவப்பட்டதற்கான அறிவிப்பை திரையில் அதற்குரிய ஐகானுடன் காணலாம். 

இந்த ஐகானை வலது க்ளிக் செய்து, Options வசதியை க்ளிக் செய்யுங்கள். இப்பொழுது திறக்கும் திரையில், Blocked URLs டேபில், Block set Name என்பதற்கு நேராக உள்ள பெட்டியில், தேவையான பெயரை கொடுங்கள். அடுத்துள்ள URLs பெட்டியில், எந்தெந்த தளங்களை ப்ளாக் செய்ய வேண்டுமோ அவற்றின் வலைத்தள முகவரிகளை, ஒன்றன்கீழ் ஒன்றாக டைப் செய்யுங்கள். (உதாரணமாக www.facebook.com)    

அடுத்துள்ள Block Time பகுதிக்கு நேராக உள்ள பெட்டியில், எந்தெந்த நேரங்கள் ப்ளாக் செய்ய வேண்டும் என்பதை கொடுங்கள். (உதாரணமாக 1000-1300, 1430-1730) அடுத்து Apply on Days பகுதியில் எந்தெந்த நாட்கள் ப்ளாக் செய்ய வேண்டும் என்பதையும் தேர்வு செய்து கொண்டு, Save URL பொத்தானை அழுத்தி சேமித்துக் கொள்ளுங்கள். 

அவ்வளவுதான். இனி அந்த ப்ளாக் செய்யப்பட நேரங்களில் குறிப்பிட்ட வலைத்தளங்களுக்கு செல்ல முயற்சிக்கையில், கீழ் காணும் செய்தி மட்டுமே திரையில் தோன்றும். 

  ஒருவேளை குறிப்பிட்ட நேரத்தில் என்றில்லாமல், ஒரு நாளைக்கு ஒரு மணிநேரம் மட்டுமே அந்த குறிப்பிட்ட தளங்களில் பணிபுரிய அனுமதி வேண்டும் (அது எந்த நேரமானாலும் பரவாயில்லை) எனில், இந்த பகுதியில் உள்ள Blocked Time க்கு நேராக 0000-0000 என கொடுத்து, Max Time In a Day என்பதற்கு நேராக 60 என கொடுத்து Save URL பொத்தானை சொடுக்கினால் போதுமானது. 

இது போன்று ப்ளாக் செய்யப்பட்ட தளங்களுக்கு செல்ல முயலும் பொழுது, திரையில் தோன்றும் செய்திக்கு பதிலாக, அந்த குறிப்பிட்ட டேபை மூட வேண்டும் என்றாலோ, அல்லது மற்றொரு தளத்திற்கு Redirect ஆக வேண்டும் என்றாலோ, இந்த நீட்சியின் Options பகுதிக்கு சென்று, General Options டேபிற்கு சென்று நமது தேவைக்கு மாற்றி அமைத்துக் கொள்ளலாம். 

    இது தவிர மேலும் பல வசதிகளை இந்த நீட்சி உள்ளடக்கியுள்ளது. ஆனாலும் இதே நீட்சியில் ப்ளாக் செய்யப்பட்ட தளங்களை நீக்கிவிட்டு, ஆணி பிடுங்குகிற நேரத்தை வீணடிப்பேன் என்று யோசிப்பவர்களுக்கு வேறு வழியில்லை. 

இதே போன்ற வசதிகளை உள்ளடக்கிய நெருப்பு நரி உலாவிக்கான நீட்சி LeechBlock !

Chrome Nanny நீட்சி தரவிறக்க 

LeechBlock நீட்சி தரவிறக்க 

.

Google Chrome: இந்திய மொழிகளுக்கான பயனுள்ள நீட்சி!

சமீப காலமாக, தமிழ் உட்பட பல இந்திய மொழி வலைப்பக்கங்கள் யுனிகோட் வடிவமைப்பில் உருவாக்கப் பட்டிருந்தாலும், ஒரு சில வலைப்பக்கங்கள், யுனிகோட் அல்லாத பழைய எழுத்துருக்களை பயன்படுத்தியே உருவாக்கப்படுவதால், நமது உலாவிகளில் அந்த பக்கங்களை வாசிப்பதற்கு, அந்த குறிப்பிட்ட எழுத்துருவை ந்மது கணினியில் நிறுவியாக வேண்டிய கட்டாயத்தில் இருக்கிறோம். 

இல்லையெனில் அவற்றை வாசிப்பது சாத்தியமற்று போகிறது. 

இந்த பிரச்சனைக்கு Google Chrome உலாவியில் (நெருப்புநரி உலாவிக்கும்) எளிதான,சரியான இலவச தீர்வாக அமைவது Padma Transformer for Indic Scripts  நீட்சியாகும். (தரவிறக்க சுட்டி இறுதியில் தரப்பட்டுள்ளது)

இந்த நீட்சியை தரவிறக்கி Google Chrome உலாவியில் நிறுவியபிறகு, இதற்கான அறிவிப்பு தோன்றுவதை கவனிக்கலாம்.

இனி அந்த வலைப்பக்கங்களை திறக்கையில், எழுத்துருக்களை நிறுவாமலேயே தெளிவாக வாசிக்க இயலும்.

எழுத்துருக்களை தரவிறக்க தேவையில்லை.

Padma Transformer for Indic Scripts  தரவிறக்க

அனைவருக்கும் இனிய பொங்கள் நல்வாழ்த்துக்கள்! 

.

Google Chrome: Panic Button - தி கிரேட் எஸ்கேப் நீட்சி!..

அலுவலகத்தில் உருப்படியாக ஆணி பிடுங்காமல், அலுவல் சம்பந்தப்படாத வலைப்பக்கங்களில் இணையத்தில் உலாவிக் கொண்டிருக்கிறீர்களா?.. திடிரென உங்கள் மேலதிகாரி வரும் பொழுது என்ன செய்வீர்கள்? உலாவியை முழுமையாக மூடிவிடலாம் என்றால், பல டேப்களில் தேடிப்பிடித்த வலைப்பக்கங்கள் இருக்கும். இவையனைத்தையும் மறுபடியும் பிறிதொரு சமயத்தில் வேண்டும் என வைத்துக் கொண்டால், இந்த சூழ்நிலையில் டக்கென்று எஸ்கேப் ஆவது எப்படி? 

இதோ கூகுள் க்ரோம் உலாவிக்கான PanicButton நீட்சி! (தரவிறக்க சுட்டி இறுதியில் தரப்பட்டுள்ளது)

Install பொத்தானை அழுத்தி இதை உங்கள் க்ரோம் உலாவியில் பதிந்து கொண்டபிறகு, டூல்பாரில் Panic Button ஐகான் வந்திருப்பதை கவனிக்கலாம்.

 

இதற்கு மேல், நீங்கள் இணையத்தில் உங்கள் மேலதிகாரி விரும்பாத வலைப்பக்கங்களை பல டேப்களில் பார்த்துக் கொண்டிருக்கும் பொழுது, திடீரென அவர் வரும் பொழுது, இந்த பொத்தானை அழுத்தினால், நீங்கள் திறந்து வைத்துள்ள வலைப்பக்க டேப்களின் விவரங்கள் வெளியில் தெரியாத ஒரு புக் மார்க்காக உருவாக்கப்பட்டு (ஓரிரு வினாடிகளில்) முழுவதுமாக மறைக்கப்படும். 

எத்தனை டேப்கள் இப்படி மறைக்கப்பட்டுள்ளன என்பதை, இந்த PanicButton ஐகானில் தோன்றும் எண்ணிக்கையை வைத்து தெரிந்து கொள்ளலாம்.

மறுபடியும் இவற்றை திறக்க, இதே பொத்தானை க்ளிக் செய்தால் போதுமானது. எஸ்கேப்பு..

ஒருவேளை அதேநாளில், மறுபடியும் அந்த வலைப்பக்கங்களை உங்களால் பார்க்க முடியாது எனும் பட்சத்தில் இந்த பக்கங்களை நீக்க, டூல்பாரில் உள்ள டூல்ஸ் பட்டனை அழுத்தி Bookmark Manager க்ளிக் செய்து, 

திறக்கும் திரையில் இடது புற பேனில், Other bookmarks இற்கு அடுத்துள்ள Temporary Panic ஃபோல்டரை வலது க்ளிக் செய்து, Delete செய்தால் போதுமானது.

(இது போன்று, உலாவிகள் மட்டுமின்றி பிற பயன்பாடுகளிலிருந்தும் எஸ்கேப் ஆவது எப்படி என்ற எனது மற்றொரு இடுகையை பாருங்கள்..Don't Panic! : இப்படியெல்லாம் யோசிப்பாய்ங்களா?)

PanicButton க்ரோம் நீட்சி தரவிறக்க

.

Google Chrome: படங்களை கையாளுவதற்கான அருமையான நீட்சி!

வழக்கமாக படங்களுக்கான Google Images போன்ற தளங்களில் Thumbnail view வில் காட்டப்படும் படங்களில் நமக்கு தேவையான படங்கள் ஒவ்வொன்றாக க்ளிக் செய்து மற்றொரு டேபில் பெரிதாக பார்க்க வேண்டியுள்ளது. 

இந்த பணியை எளிதாக்க கூகுள் க்ரோம் உலாவிக்கான iSlide நீட்சி மிகவும் பயனுள்ளதாக உள்ளது. (தரவிறாக்க சுட்டி இறுதியில் தரப்பட்டுள்ளது)

இந்த நீட்சியை தரவிறாக்கி உங்கள் க்ரோம் உலாவியில் நிறுவிகொண்டவுடன், இதன் ஐகான் டூல்பாரில் தோன்றியிருக்கும்.

இனி நீங்கள் thumbnail படங்கள் உள்ள வலைப்பக்கங்களில் உலாவும்பொழுது, இந்த பொத்தானை அழுத்தினால், அடுத்த டேபில் அந்த குறிப்பிட்ட பக்கத்தில் உள்ள Thumbnail படங்கள் அதனுடைய உண்மையான அளவில் Slide show ஆக உருவாக்கப்பட்டு நமது திரையில் தோன்றும்.

எத்தனை படங்களை உள்ளடக்கியுள்ளது என்பதையும் இந்த ஐகானில் தோன்றும்.

மேலும் இந்த ஐகானை வலது க்ளிக் செய்து Options பகுதிக்கு சென்று நமக்கு தேவையான பல்வேறு மாறுதல்களை செய்து கொள்ளலாம்.

இந்த வசதிக்கான ஷார்ட்கட் கீகளின் பட்டியல்.

iSlide Google Chrome நீட்சி தரவிறக்க

.

Google Chrome: வலைப்பக்கங்களில் விளம்பரங்களை நீக்க!..

நாம் இணைய உலாவிகளில் வலைப் பக்கங்களை பார்வையிடும் பொழுது, இடையிடையில் தோன்றுகிற விளம்பரங்கள் சில சமயங்களில் எரிச்சலூட்டுபவையாக அமைந்து விடுகிறது. 

இது போன்ற விளம்பரங்களை தவிர்க்க, Google Chrome உலாவிக்கான AdBlock நீட்சி மிகவும் பயனுள்ளதாக இருக்கிறது. (தரவிறக்க சுட்டி இறுதியில் தரப்பட்டுள்ளது)

இந்த தளத்தில் உள்ள Install பொத்தானை அழுத்தி AdBlock நீட்சியை உங்கள் Google Chrome உலாவியில் பதிந்து கொள்ளுங்கள்.

இதற்கான பொத்தான் டூல்பாரில் வெண்டுமெனில் show a button in the toolbar என்பதை தேர்வு செய்து, அடுத்து தோன்றும் install this helper extension லிங்கை க்ளிக் செய்து, அதையும் நிறுவிக் கொள்ளுங்கள்.

இப்பொழுது டூல்பாரில் புதிய AdBlock ஐகான் தோன்றியிருப்பதை கவனிக்கலாம்.

இனி வலைப்பக்கங்களில் விளம்பரங்களை நீக்க வேண்டுமெனில், அந்த வலைப்பக்கத்தில் இருக்கும் பொழுது, இந்த பொத்தானை அழுத்தி Block on Ad on this page என்பதை க்ளிக் செய்து Refresh கொடுத்தால் போதுமானது.

அந்த தளத்தில் உள்ள விளம்பரங்கள் நீக்கப்பட்டுவிடும்.

AdBlock நீட்சி தரவிறக்க

.

கூகுள் க்ரோம்: அட்டகாசமான தமிழ் FM நீட்சி!

கூகுள் க்ரோம் உலாவியில் இணையத்தில் உலாவிக் கொண்டிருக்கும் பொழுது,  பின்புலத்தில் தமிழ் FM மற்றும் ஆன்லைன் ரேடியோ சேனல்களில் பாடல்களையோ அல்லது மற்ற நிகழ்ச்சிகளையோ காது குளிர கேட்டபடி டென்ஷன் இன்றி பணிபுரிய ஒரு அட்டகாசமான தமிழ் FM நீட்சி!

Install பொத்தானை அழுத்தி, உங்கள் கூகுள் க்ரோம் உலாவியில் பதிந்து கொள்ளுங்கள்.

க்ரோம் உலாவியில், வலது மேல் மூலையில் இந்த நீட்சி நிறுவப்பட்டதற்கான அறிவிப்பு வந்திருப்பதை கவனிக்கலாம்.

இனி அந்த ரேடியோ ஐகானை க்ளிக் செய்து நீங்கள் விருப்பமான FM மற்றும் ஆன்லைன் ரேடியோ சேனலை தேர்வு செய்து கொள்ளுங்கள்.

இவ்வாறு நீங்கள் தேர்வு செய்யும் சேனல் ஒளிபரப்பு, விண்டோஸ் மீடியா ப்ளேயரில் திறக்கும். 

அவ்வளவுதான்!. இந்த பயனுள்ள நீட்சிக்கான சுட்டி கீழே..,

Tamil FM and Online Radio நீட்சி! - தரவிறக்க.

.

Facebook: உங்கள் பெயரை மாற்ற

Facebook தளத்தில் முதல் முறையாக நீங்கள் கணக்கை துவங்கிய பொழுது, உங்கள் பெயரை கொடுத்திருப்பீர்கள். அதன் பிறகு, அந்த குறிப்பிட்ட பெயருக்கு பதிலாக, வேறு ஒரு பெயரை கொடுத்தால் நன்றாக இருக்குமே என்று தோன்றினால்,  உங்கள் பெயரை முகபுத்தகத்தில் எப்படி மாற்ற முடியும் என்பதை பார்க்கலாம்.

Facebook இல் உங்கள் பயனர் கணக்கில் நுழைந்து கொள்ளுங்கள். பிறகு வலது மேற்புறமுள்ள Account லிஸ்ட் பாக்ஸை க்ளிக் செய்து, Account Settings லிங்கை க்ளிக் செய்யுங்கள்.

அடுத்து திறக்கும் திரையில், My Account என்பதற்கு கீழாக உள்ள Settings tab தான் Default ஆக இருக்கும், இல்லையெனில் Settings டேபை க்ளிக் செய்யுங்கள்.

இனி கீழே உள்ள Name என்பதற்கு நேராக உள்ள Change என்ற லிங்கை க்ளிக் செய்யுங்கள்

அடுத்த திரையில், First Name மற்றும் Last Name ஆகியவற்றை உங்கள் தேவைக்கேற்ப மாற்றிக் கொள்ளலாம். மாற்றிய பிறகு Change Name பொத்தானை அழுத்தினால் போதுமானது.

Alternate Name ஏற்கனவே கொடுக்கவில்லை என்றால் இப்பொழுது கொடுத்துக் கொள்ளலாம். (அதுவும் தமிழில்)

.

கூகிள் க்ரோம்: விளக்கை அணை! நீட்சி!

நாம் இணையத்தில் யூ டியூப் போன்ற தளங்களில் காணொளிகளை காணும் பொழுது, பின்புலத்திலுள்ள வெள்ளை நிறம் மற்றும் அந்த காணொளியை தவிர அத்தளத்தில் இருக்கும் பிற சமாச்சாரங்கள், நாம் படம் பார்க்கின்ற ஒரு நிறைவைக் கொடுப்பதில்லை. 

ஒரு சிலருக்கு விளக்கை அணைத்தால்தான் ஒரு படம் பார்த்த திருப்தியே வரும்.  இவர்களுக்காகவே கூகிள் க்ரோம் உலாவிக்கான நீட்சி! 

இந்த நீட்சியை உங்கள் க்ரோம் உலாவியில் பதிந்து கொள்வது மிகவும் எளிது. (தரவிறக்கச் சுட்டி இறுதியில் தரப்பட்டுள்ளது) 

Install பொத்தானை அழுத்தி நீட்சியை நிறுவிக் கொண்டபிறகு, Options பகுதிக்கு சென்று, Opacity மற்றும் Hotkey ஆகிய வற்றை உங்கள் தேவைக்கு ஏற்ப மாற்றி, சேமித்துக் கொள்ளலாம். 

பிறகு உங்கள் விருப்பமான காணொளியை இணையத்தில் காணும் பொழுது அட்ரஸ் பாருக்கு அருகில் உள்ள, Omni பாரில் உள்ள விளக்கு ஐகானை (Turn of the Lights) க்ளிக் செய்தால் போதுமானது. 

திரையில் காணொளியை தவிர பிறப் பகுதிகள் இருட்டாக்கப்படும். 

Turn Off the Lights தரவிறக்க! 

.