உபுண்டுவின் பொருள் என்ன?

 உபுண்டு என்ற சொல் பழங்கால ஆப்பிரிக்க மொழியில் "Humanity to others" என்ற பொருள் கொண்டதாகும். அதன் பொருளுக்கேற்ற பணியை அது நிகழ்த்திக் கொண்டிருக்கிறது.

உபுண்டு என்றாலோ அல்லது லினக்ஸ் என்றாலோ நம்மில் பலருக்கு ஒரு வித தயக்கம் உண்டாகிறது. ஆனால் உண்மையில் உபுண்டுவை உபயோகிக்க எந்த விதமான பயமோ, தயக்கமோ தேவையில்லை.

இது மற்ற இயங்குதளங்களை விட பல மடங்கு பாதுகாப்பானது மற்றும் உபயோகமானது, ஏனெனில் மற்ற இயங்குதளங்களை உருவாக்குகின்ற கணினி வல்லுனர்கள் போலல்லாமல் (ஒரு இயங்குதளத்தை உருவாக்க மீறிப் போனால் இரண்டாயிரம் பேர் இருப்பார்களா?) , பொதுமக்கள் பாதுகாப்பாகவும், இலவசமாகவும் உபயோகப்படுத்தும் வகையில், பல லட்சம் கணினி வல்லுனர்களால் தங்களின் அதிக பட்ச கணினி அனுபவத்தோடும், அளவுகடந்த ஆர்வத்துடனும், சேவை மனப்பான்மையுடனும் (சம்பளத்திற்க்காகவோ, வியாபார நோக்கிலோ அல்லாமல்) உருவாக்கப்பட்ட இயங்குதளம் எப்படி பாதுகாப்பு இல்லாமல் இருக்க முடியும்? 

இப்படிப்பட்ட ஒரு கட்டற்ற இலவச மென்பொருட்களைப் பற்றிய நமது தயக்கங்களையும், பயத்தையும் போக்கும் முகமாக, சேலத்தில் நண்பர் திரு. செல்வமுரளி அவர்களின் தீராத ஆர்வத்தோடு, NRCFOSS ( National Research Centre For Open Source Softwares) -ல் தமிழ் உபுண்டு குழுமத்தின் ஒருங்கிணைப்பாளர் திரு. இராமதாசன் அவர்களோடு இணைந்து, ஒரு விழிப்புணர்வு கருத்தரங்கம் உங்களுக்காகவே, வருகின்ற 11-10-2009 அன்று  சேலத்தில் நடைபெற உள்ளது.

இந்த அரிய வாய்ப்பை தவறவிடாமல் பயனடையுமாறு கேட்டுக்கொள்கிறேன்.