மைக்ரோசாப்ட் Word உதவி!

மைக்ரோசாப்ட் வோர்ட் பயன்பாட்டினை பல வருடங்களாக பயன்படுத்தி வருகிறோம். இந்த இடுகையில் தரப்பட்டுள்ள தகவல்கள் பலரும் முன்பே அறிந்திருந்தாலும், அறியாத சிலருக்காக.. 

ஒரு வியாபார ஒப்பந்தம், வீட்டு வாடகை / போக்கியம், வீடு நிலம் விற்பது வாங்குவது தொடர்பான ஒப்பந்தகளை நாம் அரசு பத்திரத்தாளில் பிரிண்ட் செய்வது வழக்கம். இந்த செய்கையின் போது, முதல் பக்கம் அல்லது முதல் இரு பக்கங்கள் பத்திரத் தாளிலும், ஏனைய பிற பக்கங்கள் பச்சை நிற Legal அளவுள்ள தாளிலும் அச்சிடுவது வழக்கம். 

வழக்கமான இந்திய பத்திரத் தாள்கள் டாப் மார்ஜின் 6" ஆக இருக்கும். இதன் முதல் பக்கத்தில் தட்டச்சு துவங்குவதற்கு முன்பாக, வேர்டில் ரிப்பன் மெனுவில் Page Layout பகுதிக்கு சென்று Margins பொத்தானை அழுத்தி Custom margins சென்று Margins டேபில் Top Margin 6" எனவும் Paper டேபில் சென்று A4 எனவும் தேர்வு செய்து OK பொத்தானை அழுத்தி பின்னர் தட்டச்சு செய்யலாம். 

 

இதன் மூலம் பத்திரத்தாளில் அரசாங்க முத்திரை மீது எழுத்துக்கள் அச்சாகாமல் தவிர்க்கலாம். (ஒரு அளவுகோளை எடுத்து டாப் மார்ஜினை அளந்து கொள்வது நல்லது) 

முதல் பக்கம் தட்டச்சு செய்து முடித்த பின்னர் அடுத்த பக்கம் LEGAL அளவுள்ள பேப்பர் எனில், அதன் டாப் மார்ஜின் மற்றும் பேப்பர் அளவுகள் மாறும் என்பதால், முதல் பக்கத்திலிருந்து அப்படியே தொடர்வது உசிதமல்ல. Page Layout பகுதிக்கு சென்று Breaks பட்டனை அழுத்தி மெனுவில், Section Break இற்கு கீழாக உங்கள் வசதிக்கு தேவையான அடுத்த பக்கத்தை தேர்வு செய்து கொள்ளுங்கள். 

இது முழுவதுமாக புதிய section என்பதனால், இந்த பக்கத்திற்கு மட்டும் Paper Size ஐ Legal என்றும் Margin களை உங்கள் தேவைக்கு ஏற்பவும் மாற்றிக் கொள்ளலாம். இப்படி மாற்றும் பொழுது முதல் பக்கத்தின் page setup முற்றிலும் வேறாக இருக்கும். இந்த பக்கத்தில் தொடர்ந்து தட்டச்சு செய்து கொள்ளலாம். 

முதல் பக்கம் பிரிண்ட் செய்யும் பொழுது முதலில் ஒரு வெள்ளைத் தாளில் பிரிண்ட் செய்து அனைத்தும் சரியாக உள்ளதா என உறுதி படுத்திக் கொண்டபிறகு பத்திரத்தாளில் பிரிண்ட் செய்து கொள்ளவும். 

இந்த section break வசதி நமக்கு வேறொரு வகையில் பேருதவியாக இருக்கும். வழக்கமாக நாம் வேர்டு டாக்குமெண்டில் Header/Footer கொடுக்கும் பொழுது அனைத்து பக்கங்களுக்கும் ஒரே Header/Footer தான் வரும். ஆனால் இந்த Section Break வசதியை பயன்படுத்தி வெவ்வேறு பக்கங்களுக்கு வெவ்வேறு Header / Footer களை அமைக்க முடியும்.  இந்த வசதியை மற்றொரு வகையிலும் பெற முடியும். Insert ரிப்பனில் Header பட்டனை க்ளிக் செய்து இறுதியில் உள்ள Edit Header பட்டனை க்ளிக் செய்து, பின்னர் Design ரிப்பன் டேபில் Different First page எனும் check box ஐ க்ளிக் செய்தாலும் போதும். 

வெவ்வேறு பக்கங்களுக்கு வெவ்வேறு Header/Footer களை அமைக்கமுடியும். 

டிப்ஸ்:- 

அ. தேவையான டெக்ஸ்டை தேர்வு செய்து Ctrl+Shift+A அழுத்த Capitalize செய்ய முடியும். 

ஆ. டிகிரி சிம்பலை (45º) உருவாக்க தேவையான இடத்தில் Alt கீயை அழுத்தியபடி Number pad -இல் 167 அடித்தால் போதுமானது. 

.