Facebook: உங்கள் பெயரை மாற்ற

Facebook தளத்தில் முதல் முறையாக நீங்கள் கணக்கை துவங்கிய பொழுது, உங்கள் பெயரை கொடுத்திருப்பீர்கள். அதன் பிறகு, அந்த குறிப்பிட்ட பெயருக்கு பதிலாக, வேறு ஒரு பெயரை கொடுத்தால் நன்றாக இருக்குமே என்று தோன்றினால்,  உங்கள் பெயரை முகபுத்தகத்தில் எப்படி மாற்ற முடியும் என்பதை பார்க்கலாம்.

Facebook இல் உங்கள் பயனர் கணக்கில் நுழைந்து கொள்ளுங்கள். பிறகு வலது மேற்புறமுள்ள Account லிஸ்ட் பாக்ஸை க்ளிக் செய்து, Account Settings லிங்கை க்ளிக் செய்யுங்கள்.

அடுத்து திறக்கும் திரையில், My Account என்பதற்கு கீழாக உள்ள Settings tab தான் Default ஆக இருக்கும், இல்லையெனில் Settings டேபை க்ளிக் செய்யுங்கள்.

இனி கீழே உள்ள Name என்பதற்கு நேராக உள்ள Change என்ற லிங்கை க்ளிக் செய்யுங்கள்

அடுத்த திரையில், First Name மற்றும் Last Name ஆகியவற்றை உங்கள் தேவைக்கேற்ப மாற்றிக் கொள்ளலாம். மாற்றிய பிறகு Change Name பொத்தானை அழுத்தினால் போதுமானது.

Alternate Name ஏற்கனவே கொடுக்கவில்லை என்றால் இப்பொழுது கொடுத்துக் கொள்ளலாம். (அதுவும் தமிழில்)

.

நெருப்புநரி உலாவிக்கான பயனுள்ள நீட்சி!

நெருப்புநரி உலாவியில் இணையத்தில் உலாவுபவர்களுக்கு Tab Browsing மிகவும் பிடித்தமான ஒன்று. உதாரணமாக ஒரு வலைப்பக்கத்தில் நீங்கள் இருக்கும்பொழுது, அந்த பக்கத்தில் உள்ள லிங்கை மவுசின் ஸ்க்ரோல் பட்டனை கொண்டு சொடுக்கும் பொழுது அந்த லிங்கிற்கான வலைப்பக்கம் புதிய Tab ல் திறக்கும். 

பலரும் சில சமயங்களில் திரையில் கொள்ளாத அளவிற்கு Tab களை திறந்து பணி புரிந்து கொண்டிருப்பதும் உண்டு. இந்த  Tab களை எளிதாக கையாளுவதற்கு ஒரு பயனுள்ள நீட்சி Tab Mix Plus! (தரவிறக்க சுட்டி இறுதியில் தரப்பட்டுள்ளது) இந்த Tab களை கையாளுவது என்ன பெரிய விஷயம் என கருதுபவர்களுக்கு ஒரு சில தகவல்களை பார்க்கலாம். 

1. ஒரு குறிப்பிட்ட விபரத்தை தேடு பொறியில் தேடும் பொழுது, லிங்குகளை பல டேப்களில் திறந்து வைத்து விட்டு, பிறகு ஒவ்வொன்றாக பார்த்து வருவோம். இவ்வாறு பார்வையிடும் பொழுது, நமக்கு தேவையான விவரங்கள் அடங்கிய பக்கத்தை கண்டறிந்த பிறகு, அந்த குறிப்பிட்ட Tab இற்கு வலது புறமாக (அல்லது இடது புறமாக) திறந்து வைத்துள்ள Tab கள் அனைத்தையும் மூடிவிடவேண்டும்.

2. ஒரு குறிப்பிட்ட Tab ஐ புதிய விண்டோவில் திறக்க வேண்டும்.

3. ஒரே URL ஐ கொண்ட Duplicate tab களை உருவாக்க வேண்டும்.

4. குறிப்பிட்ட Tab இற்கான URL ஐ காப்பி செய்ய வேண்டும்.

5. Duplicate tab களை மூடிவிடவேண்டும்.

6. Tab ஐ Lock செய்ய வேண்டும்.

7. குறிப்பிட்ட Tab அல்லது குறிப்பிட்ட Tab இற்கு இடது/வலது புறமுள்ள Tab களை Reload செய்ய வேண்டும்.

8. தவறுதலாக மூடிவிட்ட Tab ஐ Undo செய்ய வேண்டும்.

என்பது போன்ற பல வசதிகளை கையாளுவதற்கு கண்டிப்பாக நமக்கு இந்த நீட்சி மிகவும் பயனுள்ளதாக இருக்கும். வழக்கமாக நாம் நெருப்புநரி உலாவியில், Tab இன் மீது வலது க்ளிக் செய்யும் பொழுது, கீழே உள்ளது போன்ற Context menu தோன்றும். 

இந்த Tab Mix Plus நீட்சியை நிறுவிய பிறகு, Tab இல் வலது க்ளிக் செய்யும் பொழுது, வரும் Context menu கீழே உள்ளது போன்று தோற்றமளிக்கும்.

மேலும், இதனுடைய Options பகுதிக்கு சென்று, Menu பொத்தானை அழுத்தி, Tab Context Menu க்ளிக் செய்து, வலது க்ளிக் Context menu வில் புதிதாக கீழே உள்ள  வசதிகளில் தேவையான வற்றை இணைத்து கொள்ள முடியும்.

இந்த வசதியை பயன்படுத்தி டேப்களில் எளிதாகவும் விரைவாகவும் பணியாற்ற இயலும்.

Tab Mix Plus நீட்சி தரவிறக்க.

.

Facebook: ஆபத்தும் அதற்கான தீர்வும்

Facebook சமீபகாலமாக அனைவராலும் விருப்பத்துடன் பயன்படுத்தப்பட்டு வரும் ஒரு சமூக வலைப்பின்னல் தளமாகும் (Social Network Website). 

இந்த தளத்தில் உறுப்பினராக உள்ள நீங்கள் ஒரு நிறுவனத்தின் நிர்வாகியாக, அதிகாரியாக, பணியாளராக, முதலாளியாக அல்லது ஆசிரியராக, சமூக சேவகராக, குடும்ப பெண்ணாக, மாணவனாக, மாணவியாக இப்படி ஏதோ ஒருவராக இருக்கலாம்.

இந்த தளம் மூலமாக பலரும் தங்களுக்கு பிடித்த புகைப்படங்களை உங்களுக்கு Tag செய்து விடுவது வாடிக்கை. இப்படி Tag செய்யப்பட்ட புகைப்படங்களை, உங்கள் பக்கத்திற்கு வரும் நண்பர்கள் பார்வையிட முடியும். பிரச்சனையே இங்குதான் ஆரம்பம். 

ஏதோ ஒரு பார்ட்டியில் நீங்கள் மப்பும் மந்தாரமுமாக மிதந்து கொண்டிருக்கும் புகைப்படத்தை அல்லது மற்ற நண்பர்கள் / உறவினர்கள் விரும்பாத குழுமத்தில் நீங்கள் கலந்திருக்கும் புகைப்படத்தை உங்கள் நண்பர் ஆர்வக் கோளாறில் Facebook இல் இணைத்து, உங்களுக்கு Tag செய்து விட்டார் என வைத்துக் கொள்வோம்.

முகபுத்தகத்தில் உங்கள் மேலதிகாரி அல்லது உங்கள் மனைவி அல்லது உங்கள் மாணவன் உங்களுக்கு கீழே பணிபுரியும் நபர் உங்கள் பக்கத்தை பார்வையிடும் பொழுது, Tag செய்யப்பட்ட புகைப்படத்தை பார்த்துவிட்டால் உங்கள் கதி என்ன? இந்த ஆபத்திலிருந்து தப்ப வழியென்ன?

அது மட்டுமின்றி இப்படி Tag செய்யப்பட்ட புகைப்படத்திற்கு கமெண்ட் வேறு பலரும் இடுவார்கள், இது வேறு உங்கள் மெயில் பாக்ஸில் அடிக்கடி தோன்றி எரிச்சலை கிளப்பும். 

இது போன்று, உங்கள் முகபுத்தகத்தில் Tag செய்யப்பட்ட புகைப்படங்களை நீக்க என்ன செய்ய முடியும் என்பதை பார்க்கலாம். 

Facebook இல் உங்கள் பயனர் கணக்கில் நுழைந்து கொள்ளுங்கள். பிறகு வலது புறமுள்ள Profile லிங்கை க்ளிக் செய்யுங்கள். 

அடுத்து உங்கள் ஃப்ரொபைல் பக்கத்தில் Photos லிங்கை க்ளிக் செய்யுங்கள்.

இப்பொழுது திறக்கும் பக்கத்தில் நீங்கள் இணைத்த புகைப்படங்கள் மட்டுமின்றி Tag செய்யப்பட்ட புகைப்படங்களும் இருக்கும்.

அந்த புகைப்படங்கள் எந்த ஆல்பத்தில் உள்ளது என்பதை கண்டறிந்து, அதில் Tag செய்யப்பட்டுள்ள புகைப்படத்தை க்ளிக் செய்யுங்கள்.

அடுத்து திறக்கும் திரையில் Tag செய்யப்பட்ட புகைப்படத்திற்கு கீழாக உள்ள Remove tag என்ற லிங்கை க்ளிக் செய்யுங்கள். அவ்வளவுதான்!.. 

இது போன்று, நீங்கள் விரும்பாத, உங்களுக்கு Tag செய்யப்பட்ட புகைப்படங்களை ஒவ்வொன்றாக Tag remove செய்ய வேண்டும்.

.

ஓட்டு போடுங்க.. அப்புறமா படிங்க - நீட்சி!

நாம் பணி நிமித்தமாக இருக்கும் பொழுது, இணையத்தில் ஏதாவது பயனுள்ள வலைப்பூக்களை பார்த்து, ’அட நல்ல விஷயமாக இருக்கிறதே! அவசியம் பிறகு சமயம் கிட்டும் பொழுது படிக்க வேண்டும்’ என பல சமயங்களில் யோசித்ததுண்டு, ஆனால் சமயம் கிட்டும் பொழுது அந்த வலைப்பூ முகவரியை மறந்து போய் விடுவதும் நிகழ்கிறது. 

இந்த பணியை எளிதாக்க கூகுள் க்ரோம் (Google Chrome) உலாவியில் பயன்படுத்தும்படியான ஒரு உபயோகமான நீட்சி Local Read Later ஆகும். (தரவிறக்க சுட்டி இறுதியில் தரப்பட்டுள்ளது) 

Install பொத்தானை அழுத்தி க்ரோம் உலாவியில் பதிந்து கொள்ளுங்கள்.

இந்த நீட்சியை பதிந்து கொண்ட பிறகு, Toolbar button ஒன்று உருவாகியிருப்பதை கவனிக்கலாம்.

இந்த ஐகானை வலது க்ளிக் செய்து Options பகுதிக்கு செல்லுங்கள்.

இங்கு, ஷார்ட் கட் கீயை உங்கள் வசதிக்கு ஏற்ப மாற்றிக் கொள்ளலாம். 

மேலும், Check if you want to delete the page after you click it for read. எனும் வசதியை தேர்வு செய்வதன் மூலமாக, நீங்கள் பிறகு படிக்கலாம் என்று குறித்து வைத்திருந்த வலைப்பக்கத்தை சமயம் கிட்டும் பொழுது படித்த பிறகு, அது தானாகவே பட்டியலிலிருந்து நீக்கப்படும்.

தேவையான வலைப்பக்கத்தை காணும் பொழுது Ctrl+Alt+R கீகளை ஒரு சேர அழுத்தும் பொழுது, அந்த பக்கங்கள் Local Read Later இல் இணைக்கப்படுவதை, அதன் ஐகானில் தெரியும் எண்ணிக்கைகளை வைத்து உறுதி படுத்திக் கொள்ளலாம். (உதாரணமாக 2)

இப்படியாக Read Later இல் தொகுத்து வைத்துள்ள வலைப்பக்கங்களை பார்வையிட, அந்த ஐகானை க்ளிக் செய்து அதில் தேவையான வலைபக்கத்தை க்ளிக் செய்து பார்வையிடலாம்.

குறித்து வைத்த வலைப்பக்கங்களை படித்த பின்னர், அந்த பக்கங்கள், பட்டியலிலிருந்து நீக்கப்பட்டு, எண்ணிக்கை குறைவதை கவனிக்கலாம்.

Local Read Later நீட்சி தரவிறக்க.

.

மைக்ரோசாப்ட் வேர்டு: பயனுள்ள Tabs நீட்சி!

மைக்ரோசாப்ட் Word 2007 பயன்பாட்டில் நாம் ஒரே சமயத்தில் பல்வேறு டாக்குமெண்டுகளிலிருந்து, தேவையானவற்றை காப்பி செய்து, அல்லது ஒப்பிட்டு பார்த்து பணிபுரியும் பொழுது, ஒவ்வொரு டாக்குமெண்டிற்கும் Switch செய்வது சற்று சிரமமான, அதிக நேரம் எடுத்துக் கொள்ளும் ஒரு காரியமாகும்.

நமது உலாவிகளில் உல்லது போன்று, Tab வசதி வேர்டு தொகுப்பில் இருந்தால், இந்த செயல் எளிதாக்கப் படும். இந்த Tabs வசதியை நமக்கு வேர்டு தொகுப்பில் உருவாக்கி தருவதுதான் Tabs நீட்சி! (தரவிறக்க சுட்டி இறுதியில் தரப்பட்டுள்ளது) 

இந்த நீட்சியை நிறுவும் பொழுது வேர்டு பயன்பாட்டை மூடிவிடுங்கள். மேலும், உங்கள் கணினியில் ஏற்கனவே Visual Studio for the Office system கருவி நிறுவப் பட்டிருக்காவிடில், அதனை நிறுவுவதற்கான செய்தியுடன் வரும் வசனப் பெட்டியில், Accept பொத்தானை அழுத்தி நிறுவிக் கொள்ளுங்கள்.

இப்பொழுது தேவையான கருவிகள் அனைத்தும் இணையத்திலிருந்து தரவிறக்கப்பட்டு நிறுவப்பட்ட பின்னர், Microsoft Office customization installer திரையில் Install பொத்தானை அழுத்துங்கள். 

அனைத்தும் நிறுவப்பட்ட பின்னர், வேர்டு பயன்பாட்டை திறக்கும் பொழுது, ரிப்பன் மெனுவிற்கு கீழாக, புதிதாக Tabs தோன்றியிருப்பதை கவனிக்கலாம். 

இனி இந்த டேப்களை பயன்படுத்தி வேர்டு பயன்பாட்டில் மிக விரைவாகவும், துல்லியமாகவும் பணியாற்ற முடியும். 

Tabs நீட்சி தரவிறக்க

.

Microsoft Excel:- உதவி

மைக்ரோசாப்ட் எக்சல் பயன்பாட்டில் நாம் சில சமயங்களில், பெரிய வொர்க்‌ஷீட்டை கையாளும் பொழுது, அதில் ஷீட்டில் உள்ள குறிப்பிட்ட ஏரியாவை (செல்கள்) மட்டும் ஜூம் செய்து பார்க்க என்ன செய்யலாம் என்பதை பார்க்கலாம்.

எக்சல் பயன்பாட்டில் உஙளுக்கு தேவையான வொர்க்‌ஷீட்டை திறந்து கொள்ளுங்கள்.

 

இப்பொழுது இந்த வொர்க் ஷீட்டில் தேவையான செல்களை மட்டிலும் தேர்வு செய்து கொள்ளுங்கள். பிறகு, மேலே உள்ள View ரிப்பன் செனுவிற்கு சென்று Zoom to Selection பொத்தானை அழுத்துங்கள். 

நீங்கள் தேர்வு செய்த செல்கள் மட்டும் ஜூம் செய்யப்பட்டிருப்பதை பார்க்கலாம்.

இந்த வசதி பெரிய வொர்க்‌ஷீட்களில் பணி புரியும் பொழுது மிகவும் பயனுள்ளதாக இருக்கும். மறுபடியும் பழையபடி மாற்ற, Zoom to Selection பொத்தானுக்கு அருகில் உள்ள 100% எனும் பொத்தானை அழுத்தினால் போதுமானது.

.

மைக்ரோசாப்ட் வேர்டு உதவி - தொடர்ச்சி..

மைக்ரோசாப்ட் வேர்டு பய்ன்பாட்டில், நமது படைப்புகள் அல்லது ப்ரோஜக்ட், தீஸிஸ் போன்றவற்றை உருவாக்கும் பொழுது, அதன் வடிவமைப்பில் அதிக அக்கறை எடுத்துக் கொள்வோம். பிரஸண்டேஷன் மிகவும் அழகாக இருக்க வேண்டும் என்பதும், கஷ்டப்பட்டு உருவாக்கியதை மேலும் அழகுபடுத்தி சப்மிட் செய்வதும் அவசியமானதாகும். 

நமது டாக்குமெண்டின் முதல் பாராவின் முதல் எழுத்து புத்தகங்களில் வருவது போல பெரியதாக அமைப்பது உங்கள் டாக்குமெண்டிற்கு மேலும் அழகு சேர்ப்பதாக அமையும் என்பதில் ஐயமில்லை. இந்த வசதியை வேர்டு 2007 தொகுப்பில் எப்படி செய்வது என்று பார்க்கலாம்.

உங்கள் டாக்குமெண்டை திறந்து கொள்ளுங்கள்.

அடுத்து, முதல் பாராவின் முதல் எழுத்தின் முன்பாக கர்சரை க்ளிக் செய்து கொண்டு, Insert ரிப்பன் மெனுவிற்கு சென்று, Drop Cap பொத்தானை அழுத்தி Dropped என்பதை தேர்வு செய்யுங்கள். 

அவ்வளவுதான். முதல் எழுத்து மட்டும் பெரிய வடிவில் வந்திருப்பதை கவனிக்கலாம். இதை பெரிதாக்கவோ, சிறிதாக்கவோ செய்ய முடியும்.

மேலும் இதனை அழகு படுத்த, Drop Cap பொத்தானை அழுத்தி இறுதியாக உள்ள Drop Cap Options க்ளிக் செய்து,திறக்கும் வசனப் பெட்டியில், எழுத்துருவை Old English Text MT என மாற்றி, தேவைக்கேற்ப Lines to Drop ஆகியவற்றை தேர்வு செய்து, OK கொடுங்கள்.

இனி அழகாக உங்கள் ப்ராஜெக்டை சப்மிட் செய்யலாம்.

.

காப்பி & பேஸ்ட் : புதியது.

வழக்கமாக நாம் வலைபக்கங்களிலிருந்து, அல்லது வேறு ஏதாவது டாக்குமெண்டிலிருந்து, தேவையான டெக்ஸ்டை காப்பி செய்து மைக்ரோசாப்ட் வேர்டு பயன்பாட்டில் பேஸ்ட் செய்வது வழக்கம். இவ்வாறு பேஸ்ட் செய்யும் பொழுது, அந்த டாக்குமெண்டில் அல்லது வலைப்பக்கத்தில் உள்ள டெக்ஸ்ட் மட்டுமின்றி அதனுடைய ஃபார்மேட்டிங் மற்றும் ஹைபர் லிங்குகள் அனைத்தும் பேஸ்ட் ஆகி நம்மை டென்ஷாக்கிவிடுவது வாடிக்கை. 

நமது மைக்ரோசாப்ட் வேர்டு 2007 தொகுப்பில், பேஸ்ட் செய்தவுடன் அதன் கீழே உள்ள சிறு பேஸ்ட் ஐகானை நம்மில் பலரும் கவனிக்க தவறிவிட்டு, மறுபடியும் டெக்ஸ்டை ஃபார்மேட் செய்ய ஆரம்பித்து விடுகிறோம். அந்த ஐகான் நமக்கு என்ன சொல்லுகிறது? இந்த ஐகான் எதற்காக?

இந்த ஐகானில் அடங்கியிருக்கிறது சூட்சுமம். அந்த ஐகானில் க்ளிக் செய்து பாருங்கள். 

க்ளிக் செய்தவுடன் திறக்கும் சிறிய Context menu வில் Keep Text Only என்ற வசதியை க்ளிக் செய்தவுடன். நாம் பேஸ்ட் செய்திருந்த டெக்ஸ்டில் இருந்த ஃபார்மேட்டிங் அனைத்தும் (Hyperlink உட்பட) நீக்கப்பட்டு, வெறும் டெக்ஸ்ட் மட்டும் கிடைத்துவிடும்.

இது எப்படி இருக்கு?...

சரி! இப்பொழுது அடுத்த பிரச்சனையை பார்ப்போம். இவ்வாறு நாம் வலைப்பக்கங்களிலிருந்து (விக்கிபீடியா போன்ற தளங்களிலிருந்து) அதிகப்படியான விவரங்களை காப்பி செய்து வேர்டு டாக்குமெண்டில் பேஸ்ட் செய்யும் பொழுது, சில சமயங்களில் மொத்த கணினியே ஹேங் ஆனது போல செயலிழந்து விடுவதை கவனித்திருக்கிறோம். 

இது போன்ற நிகழ்வுகள், அந்த டெக்ஸ்டுடன் அதன் வடிவமைப்பு, ஃபார்மேட்டிங் என அனைத்துமே பேஸ்ட் ஆவதற்கு எடுத்துக் கொள்ளும் நேரமே முக்கிய காரணமாகும். இதனை மேலே சொன்ன வழிமுறையில் தீர்வு காண இயலாது. ஏனெனில், மேலே சொன்ன வழிமுறை பேஸ்ட் ஆனதற்கு பிறகு நாம் மேற்கொள்ளவேண்டிய நடவடிக்கையாகும். 

நாம் எதிலிருந்து காப்பி செய்து, வேர்டு டாக்குமெண்டில் பேஸ்ட் செய்தாலும், அதில் வெறும் ப்ளைன் டெக்ஸ்ட் மட்டுமே பேஸ்ட் ஆகும்படி வேர்டு தொகுப்பில் நாம் மாற்றத்தை உருவாக்க இயலும். 

உங்கள் வேர்டு தொகுப்பில், Office button ஐ அழுத்தி Word Options பொத்தானை அழுத்துங்கள். 

அடுத்து திறக்கும் திரையில் இடது புற பேனில் உள்ள Advanced பொத்தானை அழுத்துங்கள். இப்பொழுது வலதுபுற பேனில் Cut, Copy and Paste பகுதிக்கு சென்று, Pasting from other programs என்பதற்கு நேராக உள்ள லிஸ்ட் பாக்ஸில் Keep text only என்பதை தேர்வு செய்து Apply செய்தால் போதுமானது. 

இது எப்படி இருக்கு?..

.

Excel / Word 2007/2010 பயனுள்ள டிப்ஸ்

Excel 2003 பயன்பாட்டில் சரளமாக பணிபுரிந்து விட்டு, கடந்த சில காலங்களாக   Excel 2007 உபயோகிப்பவர்கள், சில சமயங்களில், அவசரமாக ஒரு சில கட்டளைகளை ரிப்பன் மெனுவில் வலைபோட்டு தேடிக் கொண்டிருக்க வேண்டிய நிலை காரணமாக எக்சலில் நல்ல முன் அனுபவம் இருந்தும், இந்த ரிப்பன் மெனுவினால் பெரும் கால தாமதத்திற்கு உள்ளாகிறார்கள். 

இதற்கான தீர்வாக ஏற்கனவே நான் எழுதியிருந்த இரண்டு இடுகைகளை அடுத்துள்ள சுட்டிகளில் காணலாம்.

Microsoft Office 2007 -ல் Office 2003 -இன் மெனு வடிவை அமைக்க

மைக்ரோசாப்ட் ஆபீஸ் 2007 -ல் எளிதாக வேலை செய்ய

இது மூன்றாவது வழிமுறை. Excel 2003 பயன்பாட்டில் உள்ள ஒவ்வொரு கட்டளைகளும், Excel 2007 பயன்பாட்டில் எந்த ரிப்பன் மெனுவில் உள்ளது என்பதை விளக்கும், மைக்ரோசாப்ட் நிறுவனத்தின் ”Command Workbook" என்ற எக்சல் வொர்க்‌ஷீட்டில் மிகவும் பயனுள்ளதாக இருக்கிறது.

Command Workbook தரவிறக்க

மைக்ரோசாப்ட் வேர்டு 2007:-

நாம் Microsoft Word 2007 உபயோகித்துக் கொண்டிருக்கும் பொழுது, ஏதாவது டெக்ஸ்டை தேர்வு செய்ய ஹைலைட்  செய்தால் தானாகவே Mini Formatting Toolbar தோன்றிவிடும். 

இந்த வசதி சில சமயங்களில் உபயோகமாக இருந்தாலும், பல சமயங்களில் எரிச்சலூட்டுவதாக அமைந்து விடுகிறது. இந்த Mini Formatting Toolbar நிரந்தரமாக நீக்க முடியாதபடி உருவாக்கப் பட்டிருந்தாலும், நாம் டெக்ஸ்டை ஹைலைட் செய்யும் பொழுது இது தானாகவே தோன்றுவதை தடுக்க ஒரு எளிய வழி.

Word 2007 ஐ திறந்து கொள்ளுங்கள். இதில் உள்ள Office Button ஐ கிளிக் செய்து Word Options க்ளிக் செய்யுங்கள்.

இனி திறக்கும் வசனப் பெட்டியில் Popular பொத்தானை சொடுக்குங்கள். வலது புற பேனில் “Show Mini Toolbar on selection”  என்பதை Uncheck செய்து விடுங்கள்.

 

இனி இந்த மெனு தானாகவே தோன்றாது. இந்த மெனு தேவையெனில், மாற்றத்திற்கு தேவையான டெக்ஸ்டை தேர்வு செய்து வலது க்ளிக் செய்தால் போதுமானது.

.

மைக்ரோசாப்ட் வேர்டு உதவி - தொடர்ச்சி..

மைக்ரோசாப்ட் வேர்டு பயன்பாட்டில் நம்மில் பலரும் உபயோகிக்காத ஒரு பயனுள்ள வசதி ஒன்றை பார்க்கலாம். வேறொருவர் உருவாக்கிய வேர்டு டாக்குமெண்ட் ஒன்று உங்களிடம் வருகிறது. அதில் நீங்கள் விரும்பாத Font, நீங்கள் விரும்பாத style (உதாரணமாக தேவையற்ற இடத்தில் Italics/Bold அல்லது Hyperlink) போன்றவைகள் காணப்படுகின்றன. இவ்வாறு உள்ள ஒரு வேர்டு டாக்குமெண்டை உங்கள் விருப்பத்திற்கு ஏற்றபடி எளிதாகவும், விரைவாகவும், நமக்கு ஏற்கனவே அறிந்த வசதியில், நாம் உபயோகிக்காத வசதியை கொண்டு எப்படி சரி செய்வது என்பதை பார்க்கலாம்.

தேவையான டாக்குமெண்டை வேர்டு 2007 இல் திறந்து கொள்ளுங்கள்.

உதாரணமாக இந்த டாக்குமெண்டில் தேவையற்ற இடத்தில் டெக்ஸ்ட் போல்டு செய்யப் பட்டிருப்பதை நீக்க வேண்டும். இதற்கு, நமக்கு ஏற்கனவே பரிச்சயமான, Find and Replace ஐ உபயோகிக்கலாம். (நாம் இது வரை Find and Replace ஐ டெக்ஸ்ட்டை Replace செய்ய மட்டுமே பயன்படுத்தியிருக்கிறோம்) Ctrl + H கீகளை அழுத்தி Find and Replace ஐ தேர்வு செய்து கொள்ளுங்கள்.

 

இப்பொழுது, Find What என்பதற்கு நேராக உள்ள டெக்ஸ்ட் பாக்ஸில், Ctrl+B என டைப் செய்யலாம். இப்படி செய்யும் பொழுது, அந்த பாக்ஸின் கீழாக Font:Bold என வந்திருப்பதை கவனிக்கலாம்.

Shortcut key தெரிய வில்லையெனில், கீழே உள்ள கீழே உள்ள More button ஐ அழுத்தி, விரிவாகும் திரையில் கீழே உள்ள Format பொத்தானை அழுத்தி, திறக்கும் மெனுவில் Style என்பதை தேர்வு செய்யுங்கள். அதில் உள்ள தேவையான Format ஐ தேர்வு செய்து கொள்ளலாம்.

அடுத்து, Replace க்கு நேராக உள்ள பெட்டியில் க்ளிக் செய்து, இதேபோல, Format மற்றும் Style க்கு சென்று திறக்கும் வசனப் பெட்டியில், Default paragraph font என்பதை தேர்வு செய்து, Replace பொத்தானை அழுத்தி, முதலாவது Replace செய்தவுடன், Find Next க்ளிக் செய்து, ஒவ்வொன்றாக மாற்றி வரலாம்.

இதே போல டெக்ஸ்ட் களின் பலவகையான Format களையும் இந்த வழியில் எளிதாக மாற்றிக் கொள்ளலாம். (Hyperlink ம் சேர்த்து)

வேர்டு டிப்ஸ்:-

தேவையான டெக்ஸ்டை தேர்வு செய்து Ctrl+] மற்றும் Ctrl+[ தொடர்ந்து அழுத்த, டெக்ஸ்டின் Font size ஐ ஒவ்வொரு பாயிண்டாக Dynamic ஆக பெரிதாக்கவும், சிறிதாக்கவும் முடியும்.


.

Default OS: விண்டோஸ் 7 / விஸ்டாவா அல்லது எக்ஸ்பியா

விண்டோஸ் விஸ்டா, விண்டோஸ் 7 என புதிது புதிதாக மைக்ரோசாப்டின் விண்டோஸ் இயங்குதளங்கள் வந்தாலும், பலரும் எக்ஸ்பி விரும்பிகளாகவே இருக்கிறார்கள். 

இதற்கு பல காரணங்கள் உள்ளன. கணினியை அப்க்ரேட் செய்ய வேண்டிய கட்டாயம். புதிதாக ஒரு சிலவற்றை கற்றுக் கொள்வதில் உள்ள சோம்பல். தற்பொழுது சந்தையில் வரும் பெரும்பாலான மடிக்கணிகள் விண்டோஸ் 7 - 64 பிட் இயங்குதளத்துடன் கிடைப்பதால், ஏற்கனவே நம்மிடம்  உள்ள ஆட்டோ கேட், 3டி ஸ்டுடியோ போன்ற 32 பிட் மென்பொருட்களை இயக்குவதற்கு என பல காரணங்களால், விண்டோஸ் 7 அல்லது விஸ்டா இயங்குதளம் இருந்தாலும் அதனுடனாக விண்டோஸ் எக்ஸ்பி இயங்குதளத்தையும் இரட்டை பூட்டிங் முறையில் வைத்துக் கொள்வது இன்று பலரும் பயன்படுத்தி வரும் நடைமுறையாகும். 

இப்படி இரண்டு இயங்குதளங்களை தங்களது கணினியில். பதிந்து வைத்திருப்பவர்கள். ஒரு குறிப்பிட்ட இயங்குதளத்தை உதாரணமாக, விண்டோஸ் விஸ்டா மற்றும் விண்டோஸ் எக்ஸ்பி ஆகிய இரண்டையும் நிறுவி வைத்திருப்பவர்கள், விண்டோஸ் எக்ஸ்பியை முதன்மை படுத்த (Default OS ஆக மாற்ற), என்ன செய்யவேண்டும் என்ப்தை பார்க்கலாம். 

இப்படி இரண்டு OS களை வைத்திருப்பவர்கள், விண்டோஸ் எக்ஸ்பி, விண்டோஸ் விஸ்டா அல்லது விண்டோஸ் 7 இவற்றில் எது பிந்தைய பதிப்போ, அந்த இயங்குதளத்தில் பூட் செய்து கொள்ளுங்கள். Start க்ளிக் செய்து, Computer -இல் வலது க்ளிக் செய்து, Properties செல்லுங்கள்.

அடுத்து திறக்கும் திரையில் Advanced System Settings லிங்கை க்ளிக் செய்து கொள்ளுங்கள்.

அடுத்து Startup and Recovery பகுதியில் உள்ள Settings பொத்தானை அழுத்துங்கள்.

இப்பொழுது திறக்கும் Startup and Recovery திரையில் Default Operating System என்பதற்கு கீழாக உள்ள லிஸ்ட் பாக்ஸில் முதன்மை படுத்த வேண்டிய இயங்குதளத்தை தேர்வு செய்து, Apply செய்தால் போதுமானது.

.